Grekët furnizohen me naftë në Maqedoni
Qytetarët grek masivisht po furnizohen me naftë në Maqedoni, për shkak të çmimeve të larta në vendin e tyre. Në Greqi vazhdon rritja e çmimeve të naftës, pas krizës së eksportit të përgjysmuar të naftës nga Libia, për shkak të trazirave që kanë shpërthyer në këtë vend.

Çmimi i benzinës në Greqi arrin në 1.80 euro, ndërsa në Maqedoni rreth 1.25 euro. Shtetasit grek masivisht po kalojnë kufirin dhe po furnizohen me naftë nëpër pompat të benzinës në pjesën jugore të vendit. Gjithashtu me naftë po furnizohen edhe bujqit grek në zonat përreth kufirit.

Shtetasit grek theksojnë se dallimi është i madh sa i përket çmimit të naftës në krahasim me Maqedoninë.

Çmimet e naftës këto ditë kanë pasur rritje dhe kjo ka ndodhur pas trazirave politike në Libi. Vendet evropiane kanë shprehur shqetësimet se nëse vazhdojnë trazirat atëherë Evropa do të përballet me krizë sa i përket furnizimit me naftë dhe do të kërkojë burime tjera të naftës. (ina)
Shtuar më 05/03/2011, ora 18:39

Shkruani komentin tuaj!
Të fundit nga kjo kategori