Ndonëse Maqedonia s’është ende anëtare e Bashkimit Evropian (BE), ajo mund të thuhet se po përfiton bukur mirë nga fondet për ndihmë të BE-së.

Shuma e ndarë nga buxheti për ndihma, për Maqedoninë, për vitin e ardhshëm, sipas vendimint të Komisionit Evropian, do të jetë 117 milionë euro, ose 6 milionë euro më shumë se fondi i ndarë për sivjet.

Vendi ynë radhitet në mesin e shteteve që fitojnë më shumë fonde nga BE, duke u rënditur menjëherë pas Turqisë dhe Serbisë, që vitin e ardhshëm do të marrin 935 milionë euro dhe 214 milionë euro.

Maqedonia lë pas Shqipërinë dhe Kosovën, me 98 milionë euro gjegjësisht 73 milionë euro.

Vihet re se nga viti në vit, është shënuar rritje progresive e mjeteve të ndara për ndihmë nga Brukseli. /albeu.com/

Ja radhitja, sipas vlerës së fondeve për vitin 2013:

Turqia – 935 milionë euro
Serbia – 214 milionë euro
Maqedonia – 117 milionë euro
Bosnja – 111 milionë euro
Shqipëria – 93 milionë euro
Kosova – 73 milionë euro
Mali i Zi – 35 milionë euro