Këtë vit inflacioni ndodhet në nivel më të lartë nga viti i kaluar. Lajmi është bërë i ditur të martën nga Banka e Shqipërisë, e cila prezantoi një raport ku analizoi situatën me çmimet në treg.

Banka pranoi se niveli mesatar aktual i inflacionit ndodhet një pikë përqindje më i lartë se viti i kaluar, duke qëndruar disi jashtë objektivit të BSH-së, por që në periudhën afatshkurtër situata pritet të përmirësohet.

Banka analizoi në raport efektet që nxitën rritjen e inflacionit dhe evidentoi ndikimin e kategorisë së produkteve të shtrenjtuara, nga taksat e reja, raportoi e përdithsmja Shqip. Akciza u rrit me 30 % për një pjesë të mallrave, në vitin 2010, dhe kjo solli rritje në kostot e biznesit, pasi preku lëndët e para.

Banka tha se “në rritjen e çmimeve ndikoi edhe situata në tregjet e huaja, ku pasiguria dhe kriza çuan në shtrenjtimin e disa artikujve bazë të konsumit dhe të lëndës së parë.”

Ekspertët e bankës thanë se “ecuria e rritjes ekonomike do të jetë pozitive.” /albeu.com/