Bordi Ekzekutiv i Bankës Qendrore të Kosovës ka autorizuar stafin e saj të ekzaminojë aktivitetet financiare të paliçencuara nga ana e BQK-së. Me rastin e ekzaminimit të lokacionit në territorin e komunës së Graçanicës, ekzaminerët kanë vërtetuar se institucioni financiar me emrin “Dunav banka A.D.Zvečan” po zhvillonte aktivitet financiar të palicencuar.

Në të njëjtën kohë, me rastin e ekzaminimittë të lokacionit në territorin e komunës së Shtërpces, ekzaminerët kanë vërtetuar se institucioni financiar me emrin “Dunav banka A.D.Zvečan” po zhvillonte aktivitet financiar të palicencuar.

“Në këtë kontekst, ekipi i ekzaminerëve të BQK-së, i asistuar nga ana e Policisë së Kosovës ka vizituar sot në mëngjes dy lokacione nën dyshimin se aty zhvillohet aktivitet financiar i palicencuar nga ana e BQK-së”, thotë Besnik Kada, zëdhënës i BQK-së.

Procesi i ekzaminimit në të dyja lokacionet është përfunduar pa ndonjë ekces. Në të dyja lokacionet janë sekuestruar një sasi materiali dhe pajisjesh me të cilat zhvillohej aktiviteti i palicencuar dhe i njëjti është vënë nën ruajtje të BQK-së dhe do të përdoret për procedim përkatës ligjor.

Inspektorët të Bankës Qendrore të Kosovës me ndihmën e pjesëtarëve të ROSU dhe të Policës së Kosovës kanë hyrë sot në lokalet Dunav Bankës në Graçanicë dhe kanë konfiskuar pajisje e dokumentacion, njofton radio kim.
Më parë me 5 - 6 vetura ishte bllokuar rruga e kryesore e Graçanicës ndërsa pjesëtare e njësive elite të policisë së me të gjitha pajisjet kishin siguruar rrjedhën e operacionit, njofton ky medium serb nga Kosova.
Nga punëtorët Bankës është kërkuar licenca për punë e Kosovës e pasi është thënë se ajo licencë nuk ekziston, inspektorë e BQK-së kanë konfiskuar kompjuterë, dokumentacion dhe arkën . /albeu.com/