Filmi i animuar The Simpsons është përfolur shumë herë se ka parashikuar disa gjëra në episodet e tij. Me shpërthimin e vrullshëm të koronavirusit, Simpsons u përfol se e kishte parashikuar virusin e rrezikshëm që në fillim të viteve ’90.
Bëhet fjalë për një episod të 1993-shit, ku banorët e Springfield porositin blendera nga Japonia. Një prej punëtorëve të fabrikës në Japoni sëmuret dhe kollitet mbi gjithë blenderat para se t’i nisë për në Shtetet e Bashkuara. Si pasojë, gripi i quajtur Osaka mbërrin në Amerikë. Pasi mbërrijnë porositë të gjithë sëmuren dhe pas përhapjes së Osaka Flu, shkaktohet një kaos masiv.
Pak a shumë një situatë me të cilën po përballet bota sot. Vetëm ajo që nuk përputhet me episodin e Simpsons është origjina e virusit. Megjithatë, njerëzit janë të bindur që ky ka qenë një prej parashikimeve të shumta të serialit të animuar, njësoj siç ndodhi me presidencën e Donald Trump.
Tani një tjetër teori konspirative thotë se The Simpsons kanë parashikuar edhe infektimin e Tom Hanks me koronavirus. Dje, aktori i famshëm bëri të ditur se së bashku me bashkëshorten e tij janë izoluar në Australi për shkak se kanë rezultuar pozitivë ndaj virusit.
Në një episod të The Simpsons, është protagonist edhe Tom Hanks, i cili thotë: Nëse më takoni personalisht një ditë, më lini vetëm. Rrjeti po zien nga ky episod dhe të gjithë mendojnë që ishte një parashikim që një ditë Hanks do të vetizolohej.