AMF, pranë studentëve të Universitetit “Luigj Gurakuqi” në Shkodër për rritjen e edukimit financiar
Autoriteti i Mbikëqyrjes Financiare zhvilloi sot, më datë 6 maj 2019, ora 11:30, një leksion të hapur me studentë të Fakultetit Ekonomik dhe Fakultetit Juridik të UniversitetitLuigj Gurakuqi” në Shkodër.

Aktiviteti u zhvillua në kuadër të “Strategjisë për rritjen e besimit të konsumatorit/investitorit në tregjet financiare nën mbikëqyrje”, me qëllim kryesor rritjen e edukimit financiar të studentëve.

Aktivitetit i parapriu nënshkrimi i një marrëveshjeje bashkëpunimi mes Autoritetit të Mbikëqyrjes Financiare dhe UniversitetitLuigj Gurakuqi” në Shkodër, nga Drejtori i Përgjithshëm Ekzekutiv i AMF-së, Z. Ervin Koçi dhe rektori i UniversitetitLuigj Gurakuqi”, Prof. Dr. Adem Bekteshi.

Në fjalën e mbajtur, Z. Koçi theksoi se edukimi financiar për tregjet nën mbikëqyrje është një nga prioritetet e punës së Autoritetit.

Bashkëpunimi i vendosur nëpërmjet marrëveshjes së nënshkruar me Universitetin “Luigj Gurakuqi” është një mundësi shumë e mirë për të gjithë studentët për t’u përfshirë në nismat e Autoritetit, për zhvillimin e internshipeve pranë AMF ose në shoqëritë që operojnë në tregjet financiare nën mbikëqyrje.

Rektori i UniversitetitLuigj Gurakuqi”, Z. Bekteshi deklaroi se marrëveshja e nënshkruar mes dy institucioneve do të jetë me përfitim reciprok.

Ajo do t’i shërbejë studentëve të universitetit, duke i asistuar me materiale të ndryshme, si edhe do të jetë një bazë e mirë për thellimin e bashkëpunimit me qëllim zgjerimin e njohurive financiare të studentëve dhe përgatitjen e tyre për tregun e punës.

Në orën e hapur të leksionit, studentët u njohën me rolin dhe funksionet e Autoritetit të Mbikëqyrjes Financiare, si një institucion i pavarur.

Gjithashtu studentët u anketuan nga Autoriteti për matjen e njohurive financiare për tregjet nën mbikëqyrje.
Shtuar më 07/05/2019, ora 13:43
Shkruani komentin tuaj!
Të fundit nga kjo kategori