Jeta e çuditshme e gjeniut John McAfee
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Dudley Althaus, Reuters

Për shumë njerëz që rastisën ta takonin në ishullin tropikal të Belizes, qe e dukshme që jeta John McAfee kishte marrë një kthesë acaruese përgjatë viteve të fundit.

Gjeniu i programit kundër virusave kompjuterikë me të njëjtin emër, jetonte në ilegalitet që nga koha kur policia njoftoi se deshën ta merrnin në pyetje për vrasjen e një fqinji gjatë fundjavës, bashkëpatriotin e tij Gregory Faull, me të cilin McAfee kishte patur një sherr.

Pavarësisht zhdukjes së tij, McAfee, 67 vjeç, ka mbetur në kontakt me median duke ofruar një seri lajmes shumëngjyrëse, mbi atë çfarë ndjente, gjendjen shpirtërore si dhe pretendimin se autoritetet e Belizesë dëshironin ta vrisnin atë.


Banorët e ishullit që gjendet në detin e Karaibeve dhe të tjerë që e kanë njohur atë, e përshkruajnë si një person eksentrik dhe impulsiv që i dha fund karrierës së tij të suksesshme si biznesmen në SHBA për të ndjekur një jetë gjysmë vetmitari në një ishull që dikur ka qenë parajsa e piratëve. Ai ka jetuar atje i rrethuar nga truproja dhe vajza të reja.

“Mos ki frikë qenin por pronarin,” shkruhet në një tabelë të vogël ku është pikturuar edhe një pistoletë me zjarr, që varet në gardhin rrethues të shtëpisë së McAfee, një shtëpi e madhe me pishinë dhe pamje nga deti.

McAfee, një ndjekës i jogës që ka jetuar në ishull për rreth katër vjet, shpesh lëviz përqark me truptoja, duke mbajtur pistoleta në brez. Që kur ka shkuar të fshihet, ai e krahasoi historinë e vet me atë të themeluesit të Ëikileaks Julian Assange, i cili po lufton kundër ekstadimit nga Britania e Madhe dhe është fshehur në ambasadën e Ekuadorit.

Zyrtarët dyshojnë se McAfee ka përdorur droga të ndryshme ndërsa fqinjët e tij thonë se është përpjekur t’i përzërë nga plazhi publik para shtëpisë së tij. Brenda shtëpisë së tij, një kompleks i ulët me çati blu, ai mban një arsenal të vogël çiftesh apo pushkësh me dylbi.

Ka patur gjithashtu ankesa për qentë e shumtë dhe të zhurmshëm të milionerit. Zyrtarët thonë se helmimi i katër prej qenve mund të lidhet me vrasjen e Faull, një sipërmarrës ndërtimi 52 vjeçar nga Florida, i cili u gjet i vrarë në vilën e tij dykatëshe rreth 100 metra larg vilës së McAfee.

Faull qe një nga vendësit që është ankuar ndaj sjelljes së McAfee dhe qenve të tij. McAfee i tha një reviste, me të cilën pati një bisedë të gjatë, se aktualisht është maskuar dhe ka nisur jetën si ilegal. Ai mohon të ketë vrarë Faull dhe thotë se ka frikë se policia do ta vrasë apo torturojë. Policia, e cila beson se ai gjendet ende në Belize, thotë se në fakt dëshiron vetëm ta pyesë.

McAfee, i cili nuk i është përgjigjur kërkesave të Reuters për komente, ia hedh fajin “kulturës pirateske” të Belize për problemet që ai ka aktualisht dhe ka shkruar edhe një ese që ia ka dërguar medias amerikane për këtë çështje.

“Belizeja është ende një parajsë për piratët dhe drejtohet pak a shumë përgjatë linjave të themeluara shekuj më parë nga njerëz si Kapiteni Morgan, Mjekërziu apo Kapiteni Barrou,” tha McAfee.

Kryeministri i Belizesë Dean Barroë i kërkoi McAfee të ndihmojë policinë me hetimet e saj dhe e cilësoi atë si “të lajthitur”.

Në një intervistë me televizionin CNBC të premten, McAfee tha se ai nuk do të kërkojë strehim në ambasadën amerikane në ishull.

“Çfarë mund të ndodhë në këtë rast? Ata do të më ofrojnë ose një vend të sigurtë ku unë do të shtyj ditët duke jetuar në ambasadë si i mjeri Julian Assange, ose kur unë të dal… do të më arrestojë policia. Synimi im i fundit është që ata të zbulojnë se kush e kreu vrasjen për të cilën unë nuk kam asnjë lidhje dhe pas kësaj do të më lënë rehat. Ose në rast se presion i mjaftueshëm ndërkombëtar do të ushtrohet” tha ai.

“Paranojak”

Shumë banorë vendës në San Pedro e përshkruajnë McAfee, një person me tatuazhe që ka vënë pasuri të mëdha duke zhvilluar programin kompjuterik antivirus që mban emrin e tij, një njeri bujar por të paqëndrueshëm.

“Ai është një djalë i mirë dhe ka ndihmuar shumë njerëz. Problemi është se nëse dëshironte diçka, e dëshironte menjëherë. Dhe në rast se nuk e merrte atë, bëhej paranojak,” tha një banor i ishullit, ish i punësuar i McAfee. Ai dhe shumë të tjerë folën në kushtet e anonimatit për shkak të frikës për hakmarrje nga miliarderi.

“Ai është një njeri kompleks, shumë impulsi,” shtoi një banor tjetër.

Doug Singh, ish ministër për policinë në Belize i tha Reuters se ai nuk arrinte të shihte logjikë te komentet e fundit të McAfee.

“Ai duket se ka një farë divorci nga realiteti dhe duket se është konsistent në sjelljen dhe në disa nga komentet që ka bërë kohët e fundit. Ai është disi jashtë linje dhe ka mbireagim. Askush nuk ka asgjë kundër tij,” thotë Singh.

Pasi ka fituar miliona me produktin e tij kundër virusave të internetit, McAfee vendosi të braktisë Shtetet e Bashkuara për Belizenë, një parajsë bregdetare e lakmueshme. Kjo është rruga e ndjekur nga shumë amerikanë të pasur përgjatë shumë viteve.

Ai zuri një shtëpi me pamje nga plazhi në pjesën veriore të depopulluar dhe izoluar të ishullit, 10 kilometra larg fshatit San Pedro që mund të arrihet me varkë ose përmes një rruge të paasfaltuar dhe në gjendje shumë të keqe. Kjo është një botë shumë larg Silikon Valej, lagjja e Kalifornisë që dikur ai e konsideronte si shtëpinë e vet.

Ai e themeloi kompaninë e tij më 1987 dhe e hodhi në bursë më 1992, por u detyrua ta lërë dy vjet më pas kur u akuzua se ka ekzagjeruar efektet e një virusi të njohur si Mikelanxhelo, i cili rezultoi i padëmshëm, me qëllimin për të trembur përdoruesit e kompjuterëve, të cilët për rrjedhojë nxituan të blejnë produktet e kompanisë së tij.

Zyrtarët e kompanisë që ai krijoi si dhe zyrtarët e kompanisë mëmë, Intel, refuzuan të komentojnë mbi këtë akuzë.

Por një menaxher i McAfee që së fundmi u largua nga kompania pas shumë vitesh punë, tha se drejtuesit e kompanisë ka shumë gjasa që po i monitorojnë lajmet nga afër. Ai tha se ata kanë ndjekur aktivitetin e John McAfee përgjatë viteve për shkak të shqetësimit se ndoshta do t’i duhet të kundërveprojnë ndaj dëmit që mund të pësojnë.

Një çështje penale sakaq është hapur kundër McAfee në Belize për posedimin ilegal të armëve ndërsa policia më herët ka dyshuar se ai ka drejtuar një laborator për prodhimin ilegal të drogave sintetike. Por McAfee tha këtë javë se ai është kundërshtar i drogës.

“Jeta ime është shkatërruar mjaftueshëm edhe pa drogë dhe kështu ka qenë gjithmonë,” i tha ai medias.

Bamirës

Megjithë telasheve që ka me autoritetet, McAfee ka punuar shumë për të qenë bamirës në ishull. Pasi arriti në Belize ai bleu një varkë me vlerë 1 milionë dollarë për rojen bregdetare të ishullit dhe dhuroi pajisje për forcën e policisë, sipas medias vendëse.

Ai la bakshishe bujare kudo që shkoi dhe punësoi një numër të konsiderueshëm taksish për mikeshat e tij që e vizituan shpesh, duke paguar 150 dollarë për rrugë nga aeroporti i vogël në San Pedro deri te shtëpia e tij.

“Jo dy apo tre, por shumë më tepër gra,” thotë Artemio Aëayo, 24 vjeç, kamarier në ishull. “Sa herë që e pashë, ishte nën shoqërinë e një vajze të re.”

Ata që e njohin thonë se ai nuk pinte alkool dhe kurrë nuk u sorollat gjatë nëpër baret e shumta të ishullit. Por punonjësit në një restorant kur kompania e taksive ujore të McAfee ka qendrën, thanë se veprimet e tij qenë gjithnjë e më shumë acaruese që kur policia e vuri nën kontroll prillin e kaluar.

Edhe për dreka të shkujdesura, McAfee filloi të shkonte në qytet rregullisht i shoqëruar nga së paku dy truproja, i veshur me rroba kamuflazhi e duke mbajtur pistoleta.

“Zakonisht nuk ke nevojë për truprojë në Belize,” thotë Jorge Alana, një gazetar vendës që e intervistoi McAfee shumë herë, duke vërejtur se edhe zyrtarët më të lartë të ishullit qarkullojnë pa roje. “Tërheq shumë vëmendje kur ti lëviz këtu i shoqëruar nga shumë truptoje,” tha ai.

Shtëpia e McAfee gjendet në një rrip toke ku të pasurit më të mëdhenj të huaj kalojnë pensionin. Copa toke të pazhvilluara me përmasa 30 me 61 metra këtu mund të kushtojnë deri në 500 mijë dollarë. Edhe shtëpitë me pamje modeste janë në fakt investime shumë miliona dollarëshe.

Të të enjte në darkë, një 23 vjeçare që tha se e kishte emrin Tiffany, përdori një çelës për të hyrë në shtëpinë e McAfee me një vajzë tjetër dhe tha se e kishte kaluar natën kur Faull u vra, nën shoqërinë e McAfee. Të dy vajzat nuk kanë folur me të që nga ajo kohë.

Shumë ditë më vonë, dritat qenë ende të ndezura në kompleksin buzë detit dhe një qen lehte i lirë nëpër oborr.

Njësoj si McAfee, shumë nga komshinjtë e tij në bregun verior parapëlqejnë të mos shqetësohen dhe shumë rrallë dalin në qytet. Ata e urrejnë përzjerjen e turistët.

“Kjo është arsyeja se pse vijnë në San Pedro,” thotë Daniel Guerrero, një ndërmjetës për pronat e patundëshme dhe guidë turistike që tashmë shërben si kryebashkiak i qytezës. “Ata pëlqejnë qetësinë. Ata pëlqejnë izolimin.”

Por edhe peshkimi, zhytja nënujore apo vërdallisja në perëndim mund të kthehet në një aktivitet të përzitshëm. Të mësuar me shumë punë dhe arritje në jetë, të ardhurit e rinj krijojnë dhe mbajnë shumë organizata bamirëse, thonë vendësit. Shumë pak nga të huajtë, si McAfee, filluan biznese në ishull. Disa nuk arrijnë të përshtaten me kulturën vendëse.

“Është një gjë të vish me pushime dhe një gjë tjetër të jetosh këtu,” thotë Tamara Sniffin, e lindur në shtetin amerikan të Ujoming dhe pronare e redaktore e gazetës lokale.

E përjetësuar në këngë nga Madona si La Isla Bonita, ishulli i vogël zgjatet për 43 kilometra përgjatë Karaibeve poshtë kufirit me Meksikën, duke qëndruar mbi barrierën koralore dy dytë më të gjatë të botës dhe është një nga vendet më të përshtatshme për sportet e gjuetisë apo zhytjeve.

Këto cilësi kanë tërhequr pensionistët e pasur të huaj apo njerëz të famshëm si aktori Leonardo DiCaprio, i cili ka blerë një ishull më të vogël aty pranë.

“Këtu ka vetëm festë, festë, punë dhe festë,” thotë Iris Mavel, 27 vjeç, një kamariere në një restorant të parapëlqyer nga McAfee. “Shumë çifte që vijnë këtu, largohen të divorcuar. Për këtë arsye thirret edhe Ishulli i Tundimit.”

Ishulli ka gjithashtu edhe një anë të errët. E hedhur në det dhe e përplasur në breg nga dallgët, qese të mëdha me kokainë kolumbiane rrjedhin përgjatë të gjithë ishullit, jo shumë larg shtëpisë së McAfee dhe disa thonë se kokaina e hedhur gjatë ndjekjes së policisë mbërrin edhe më larg në bregdetin e Meksikës. Kokaina që nuk arrin të kapet nga trafikantët, kapet nga banorët e ishullit dhe furnizon një treg në lulëzim vendës. Kjo ka krijuar edhe shumë banda të vogla vendëse që përplasen me njëra-tjetrën, në disa raste, edhe duke vrarë rivalët.

Edhe shumë të kërkuar në botë kanë gjetur strehë këtu. Verën e kaluar, një sllovak i akuzuar për vrasjen e një gruaje dhe djalit të saj dhjetëvreçar si dhe një gangster tjetër u arrestuan në bazë të urdhërave ndërkombëtarë të arrestit, por ekstradimi i tyre u pengua dhe ata fituan lirinë nga një gjykatës vendës.

Disa thashetheme thonë se McAfee po fshihet në një jaht pranë ishullit të San Pedro.

Të tjerë thonë se Meksika është vetëm një orë larg për varkat e llojit që ka nën pronësi McAfee ndërsa pasaportat nuk kontrollohen kurrë për njerëzit që vijnë në fshatrat me pamje nga deti këtu.

Kryebashkiaku i San Pedro ndërkohë beson se ai do të dalë vetë nga ilegaliteti.

”Kam ndjesinë që ky djalë do të dorëzohet vetë,” thotë Guerrero. “Por do të dorëzohet bashkë me avokatët e tij. Ai është një i rëndësishëm.”



Profili
Emri: John McAfee
Ditëlindja: 18 shtator 1945.
Vendlindja: Virxhinia
Karriera: Programues në NASA, pastaj themelues kompanish, ku arriti suksesin me antivirusin me të njëjtn emër.


Belize - Shteti i Belizesë gjendet në Amerikën Qëndrore dhe është sheti i vetëm në këtë zonë ku Anglishtja është gjuhë zyrtare. Është një territor britanik me rreth 22 mijë kilometra katrore dhe ka vetëm 312 mijë banorë. Ka PBB për frymë prej 8 mijë dollarësh dhe rreth 450 ishuj që përbëjnë bazën e ekonomisë turistike.

Ishulli - E përjetësuar në këngë nga Madona si La Isla Bonita, ishulli i vogël zgjatet për 43 kilometra përgjatë Karaibeve poshtë kufirit me Meksikën, duke qëndruar mbi barrierën koralore dy dytë më të gjatë të botës dhe është një nga vendet më të përshtatshme për sportet e gjuetisë apo zhytjeve

Shtëpia - Shtëpia e McAfee gjendet në një rrip toke ku të pasurit më të mëdhenj të huaj kalojnë pensionin. Copa toke të pazhvilluara me përmasa 30 me 61 metra këtu mund të kushtojnë deri në 500 mijë dollarë. Edhe shtëpitë me pamje modeste janë në fakt investime shumë miliona dollarëshe. (Shqip)
Shtuar më 22/11/2012, ora 18:38
Shkruani komentin tuaj!
Të fundit nga kjo kategori
 
A mendoni se Shqipëria do të kalojë fazën e grupeve në EURO 2016?
65.63 %
28.89 %
5.47 %
Total 9064 Vota!
 
Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian