Frashëri: Stërgjyshi i Ramës firmosi Pavarësinë në Durrës
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Kristaq Rama, stërgjyshi i shefit të opozitës, Edi Rama, ka firmosur Deklaratën e Pavarësisë në Durrës. Ka qenë historiani Kristaq Prifti ai që ka përmendur fillimisht se Deklaratën e Durrësit rezulton ta ketë firmosur edhe Kristaq Rama, po për sa i takon lidhjes së tij me kreun e PS-së, ai nuk qe i sigurt.

Në shkrimin e tij botuar në Gazeta Shqiptare më 9 nëntor, ai shkruante se "Kësaj periudhe (1912-ës) i përket edhe dokumenti i z. Eqrem Zenelaj, që bën fjalë për shpalljen e pavarësisë në Durrës më 13-14 (26-27) nëntor 1912, i cili siç ndodhi në të gjitha rrethet e vendit, iu dërgua Ismail Qemalit në Vlorë, me nënshkrimet e parisë së Durrësit të të tria besimeve. (Midis nënshkruesve të këtij akti është edhe emri i Kristaq Ramës)".

Më tej ne i jemi drejtuar Prof. Kristo Frashërit për ta pyetur se kush është Kristaq Rama që ka marrë pjesë në shpalljen e Pavarësisë në Durrës dhe ç’lidhje farefisnore ka ai me shefin e opozitës në Shqipëri. “Ai është stërgjyshi. Kristaq Rama, që ka firmosur Pavarësinë, ka jetuar në Durrës dhe ka qenë patriot. Unë e kam hasur në shumë dokumente si pjesëmarrës në organizime patriotike të ndryshme të kohës", sqaron profesori.

Sipas tij, në atë kohë familja e Ramës jetonte në Durrës dhe ka qenë e angazhuar me jetën e qytetit. Kristaq Rama i deklaratës është gjyshi i skulptorit Kristaq Rama, krejt e natyrshme, nëse kemi parasysh se është i njohur fenomeni i trashëgimit të emrit nga gjyshi tek nipi. Profesor Frashëri thotë se nuk i kujtohet emri i të atit të Ramës skulptor dhe djalit të firmëtarit, por është i sigurt për pjesën tjetër, duke qenë se, si një historian i vjetër e me emër, gjatë karrierës së tij ka kaluar nëpër duar qindra dokumente.

"Asokohe (pra më 1912-ën) familja Rama jetonte në Durrës. I biri i firmëtarit të Durrësit dhe babai i skulptorit është shpërngulur nga atje dhe ka ardhur në Tiranë", ka deklaruar historiani Kristo Frashëri. /albeu.com/
Shtuar më 11/11/2012, ora 10:25
Shkruani komentin tuaj!
Të fundit nga kjo kategori
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com