Paraditen e kësaj të marte, në Peshkopi është grabitur institucioni financiar Kredo.al. Policia bën me dije se një person i armatosur dhe me maskë kanë tentuar vjedhjen në mes të qytetit.
Policia ndodhet në vendngjarje dhe po punon për identifikimin dhe kapjen e autorit. Gjitashtu janë ngritur pika kontrolli në hyrje dalje të qytetit dhe janë sekuestruar kamera.
Njoftimi i policisë:
Dibër/informacion paraprak
Rreth orës 10.00, në një filial banke në qytetin e Peshkopisë, një person i maskuar me kapuç, nën kërcënimin e një mjeti prerës dyshohet se ka marrë një shumë parash dhe është larguar.
Grupi hetimor ndodhet në vendin e ngjarjes, po kqyren kamerat e sigurisë dhe po fiksohet çdo provë me qëllim identifikimin e autorit.
Shërbimet e policisë kanë ngritur pika kontrolli në hyrje-daljet e qytetit, për kapjen e autorit./albeu.com
