Pse po kërkohet Ervis Martinaj në Shijak? Artan Hoxha: Një sindikatë krimi është mbrapa…

Policia disa ditë më parë zhvilloi një operacion në zonën e Shijakut, ku dyshohet se humbi gjurmët e fundit Ervis Martinaj. Për këtë person i cili konsiderohej si “Bossi” i Lojërave të fatit, nuk dihet asgjë që prej 9 gushtit dhe rezulton i zhdukur. Lidhur me këtë ngjarja më parë është shoqëruar edhe Endrit Dokle, i cili më pas u la i lirë, pasi ndaj tij nuk ka asnjë provë apo akuzë si i përfshirë në ngjarje.

I ftuar në studion e ABC, gazetari investigativ Artan Hoxha tha se deri më tani nuk ka asnjë provë për fatin e Ervis Martinajt. Hoxha ka theksuar se hetimi nuk mund të lihet në dorën e një prokurori të vetëm të Kurbinit për shkak se çështja është shumë e madhe. Sipas Hoxhës hetimi duhet të merret nga SPAK, ndërsa shtoi se për zhdukjen e Ervis Martinajt është një grupin i shumë grupeve kriminale në vend. Telenovela sipas Hoxhës po bëhet nga politika dhe nga hetuesit që nuk veprojnë siç duhet për të zbardhur këtë ngjarje.

Për sa u përket kontrolleve në disa banesa në Shijak, sipas Hoxhës, nëse autorët e mundshëm për zhdukjen e Ervis Martinajt mund të ishin në këtë zonë, do të kishin pasur të gjithë kohën e nevojshme për të zhdukur provat.


Shtuar 11.10.2022 13:59