Vuajti 27 vjet burgim për një krim që s’e kishte bërë, fitoi pafajësinë falë pikturave të tij
Pëlqej
Dashuria e tij per pikturën i solli lirinë një të dënuari në Shtetet e Bashkuara të Amerikës.

Krijimet e veçanta të Valentino Dixon i tërhoqën vëmendjen një rojeje të burgut e e kjo u bë shkas për rishikimin e rastit te tij.

48-vjeçari akuzohej për një vrasje të kryer në New York gushtin e vitit 1991 pas sherrit që kishte nisur për një femër.

Për gati tre dekada, Valentine e ka pranuar se ndodhej në vendin e ngjarjes, por ishte në një dyqan atje duke blerë birrë.

Vizatimet e tij, që paraqesin peisazhe te mrekullueshme fushash golfi edhe pse autori vetë nuk e ka provuar kurrë këtë sport, bene qe ai te shihej me sy tjetër dhe çështja të rishikohej.

Pikërisht gjatë këtij procesi u vu re se gjykimi i parë kishte pasur të meta të mëdha; disa persona te cilët mund të tregonin se ai vërtet nuk kishte shkrepur armë natën e krimit nuk u thirren të dëshmonin, e po kështu, çuditërisht, në bankën e dëshmitarët si rrallë ndonjëherë, nuk u ul as hetuesi i vrasjes, përcjell TCh.

Të gjitha këto treguan se Dixon ka thënë gjate gjithë kohës të vërtetën. Një tjetër person e pranoi autorësinë e krimit, dhe Valentino më në fund e fitoi lirinë pas 27 viteve te kaluara prapa hekurave.




Shtuar më 20/09/2018, ora 23:22
Shkruani komentin tuaj!
Të fundit nga kjo kategori