Autoritetet e Londrës kanë dënuar me 4 vite burg shqiptarin nga Kosova, Shaip Nimani, 52 vjeç, i cili kishte vjedhur energjinë elektrike për biznesin e tij të paligjshëm.

Mësohet se Shaip Nimani kishte punësuar pesë rumunë në lavazhin e tij të paligjshëm "Bubbles" në lindje të Londrës.

Sipas gjykatës, një shtetas rumun kishte pësuar një goditje fatale elektrike, teksa ishte duke bërë dush në garazh, pasi Nimani kishte anashkaluar matësin elektrik për të kursyer para.

Prokurori William Boyce QC i tha gjykatës: "Kushtet në bllokun e banimit përbënin rrezik ekstrem për jetën. Sistemet elektrike në auto-larje ishin në një gjendje të tmerrshme.

Ishte manipuluar me energjinë elektrike në auto-larje në mënyrë mjerisht të paaftë duke anashkaluar matësin elektrik, dhe nuk ka dyshim, për të shmangur pagesën e faturës", shkruan "Daily Mail". /albeu.com/