Papa Benedikti kanonizoi sot Motrën e Nderit, Mari Makillop, si e shenjta e parë nga Australia.

Mijëra australianë u mblodhen për të parë në ekrane gjigante se si Papa realizoi ceremoninë e shenjtërimit në Vatikan. Makillop, e cila vdiq në vitin 1909 kur ishte 67 vjeç, shihet si pionere e shkollimit në pjesët e thella të Australisë, por dhe si krijuese e urdhërit të parë fetar, Motrat e Nderit të Shën Jozefit të Zemrës së Shenjtë. Për të thuhet se ka bërë disa mrekullira, dy prej të cilave janë pranuar edhe nga Vatikani.

Gjatë ceremonisë së sotme në Vatikan, përveç Motrës Mari Makillop u shenjtëruan edhe persona të tjerë nga Kanadaja, Spanja, Polonia dhe Italia.