Vatikani arreston për pedofili ish-kryepeshkopin në Republikën Dominikane, Josef Wesolowski
Pëlqej
Josef Wesolowski
Agjencia e lajmeve Reuters ka njoftuar se dje Gjykata e Vatikanit ka urdhëruar arrestimin e ish-kryepeshkopit dhe ambasadorit të papës në Republikën Dominikane, Josef Wesolowski.

Wesolowski u thirr në Romë nga Vatikani vitin e kaluar, kur ai ishte ende një diplomat në Santo Domingo dhe u lirua nga detyrat e tij pas denoncimit të bërënga mediat dominikane, se ai paguante djem të mitur kundrejt seksit.

Ai jetonte i lirë në Romë ndërsa viktimat e abuzimit seksual kishin bërë thirrje për arrestimin e tij, duke shprehur shqetësimin se ai mund t'i ik drejtësisë.

66-vjeçari Wesolowski është figura më e shquar kishtare që është arrestuar që nga arrestimi i Paolo Gabriele, ish-shërbëtor papnor i dënuar në vitin 2012 për vjedhje dhe rrjedhjen e letrave private të ish-Papa Benedikti XVI.

Ish-kryepeshkopi mund të dënohet me deri 12 vjet burg.

Sipas kësaj agjencie, ky është arrestimi i parët për pedofili i bërë brenda shtetit të Vatikanit.

Wesolowski gjithashtu është duke u hetuar edhe në Republikën Domenikane ndërsa mbi të rëndon akuza se ka paguar djemë për të kryer akte seksuale. Ai ka shërbyer në Republikën Domenikane, si Nuncio, apo ambasador, por nuk ka imunitet diplomatik.

Spas zëdhënësit të Vatikanit, kardinalit Federico Lombardi, me këtë arrestim është reflektuar dëshira e Papa Françeskut i cili ka thënë se "se një mëkat i tillë dhe çështja kaq delikate duhet të trajtuar menjëherë, me ashpërsinë dhe drejtësinë e nevojshme".

Papa Françesku, papa i parë jo-evropian në 1300 vjet, ka premtuar tolerancë zero ndaj klerikëve katolikë që abuzojnë seksualisht me fëmijë. Majin e kaluar, ai i quajti këto abuzime si "krime të shëmtuara" dhe i krahasoi ato me "meshat satanike". /albeu.com/
Shtuar më 24/09/2014, ora 10:45
Shkruani komentin tuaj!
Të fundit nga kjo kategori