Valeri e tronditur nga tradhëtia e Hollande
Zonja e Parë e Francës, Valerie Trierweiler, ka rrëfyer momentin e parë kur mori vesh për tradhëtinë e partnerit të saj Fransua Hollande.

Valerie e krahasoi këtë moment tronditës me rënien nga një qiellgërvishtëse dhe pranoi se për disa ditë kishte qenë në gjendje shoku.

Ajo u shpreh gjithashtu se kishte refuzuar të besonte spekulimet për tradhëtinë e Hollande deri në momentin kur kishte parë fotot në revistën "Closer".

Pas mësimit për tradhëtinë e Hollandë, Trierweiler kaloi disa ditë në spital nga tronditja që pësoi dhe pas daljes nga spitali ajo është vendosur e vetme në një rezidencë në Versajë.

Një javë më parë, Presidenti i Francës Hollande, deklaroi se kishte vendosur t'i jepte fund bashkëjetesës së tij me Trierëeiler, me të cilën ai nuk ishte i martuar.

Hollande ende nuk ka konfirmuar ose mohuar vërtetësinë e lidhjes me aktoren Julie Gayet. Megjithatë ai ka pranuar se do të japë një përgjigje para udhëtimit të tij drejt SHBA-së. /albeu.com/

Shtuar më 30/01/2014, ora 19:05

Shkruani komentin tuaj!
Të fundit nga kjo kategori