Ushtria egjiptiane lëshohet në rrugë pas vdekjes së Mursit
Egjipt është shpallur gjendja e jashtëzakonshme në nivelin më të lartë, pas vdekjes së ish-presidentit Muhamed Mursi.

Autoritetet i tremben protestave pas vdekjes së liderit islamist. Mursi u burgos pas rrëzimit të pushtetit të tij po ashtu me protesta dhe mbështetjen e ushtrisë.

Mursi ishte lideri i Vëllazërisë Myslimane, e cila erdhi në pushtet në vitin 2011 në Egjipt pas protestave popullore.

Por, pushteti i Mursit nuk zgjati shumë. Implementimi i politikave islamiste në qeverisje, largimi i ish-aleatëve salafistë nga qeveria si edhe frika që ngjallën në popull këto lëvizje bënë që Vëllazëria Myslimane të humbiste mbështetjen popullore prej pak kohësh në Egjipt.

Protestat që kundërshtonin pushtetin e Mursit u mbështetën nga ushtria, e cila i vendosi ultimatum atij në vitin 2013. Rrëzimi i Mursit solli mijëra të vrarë në Egjipt, ndërsa Vëllazëria Myslimane u shpall organizatë terroriste duke bërë që të futeshin në burg ish-Presidenti dhe mjaft liderë të kësaj lëvizjeje. /albeu.com/
Shtuar më 18/06/2019, ora 16:14
Shkruani komentin tuaj!
Të fundit nga kjo kategori