Ushtarët e Indisë ankohen për cilësinë e keqe të ushqimit në reparte (FOTO & VIDEO)
Një video në të cilën shfaqet një ushtar indian duke u ankuar për cilësinë e ushqimit që u shërbehet ushtarëve në kufi me Pakistanin është bërë virale në rrjetet sociale duke marrë më shumë se 8 milionë klikime brenda ditës.

Në videon e publikuar të hënën, Tej Bahadur Yadav tregon një pite të djegur dhe thjerrëza që sipas tij është i vetmi ushqim me të cilin ushtarët e Forcës së Sigurisë së Kufijve në Indi ushqehen.

“Kjo është cilësia e ushqimit që ne marrim, si mundet që një ushtar të kryejë detyrën e tij me këtë ushqim?”,thotë ai gjatë videos.

Ushtari shprehet se për këtë gjë ai nuk fajëson qeverinë e vendit, por sipas tij kjo vjen si pasojë e korrupsionit në radhët e zyrtarëve të lartë të ushtrisë.

Yadav përfundon videon e tij duke thënë se cilësia e ushqimit është aq e dobët saqë shpeshherë ushtarët nuk janë në gjendje të kryejnë detyrën e tyre në mbrojtje të kufijve të vendit. /albeu.com/
Ushtarët e Indisë ankohen për cilësinë e keqe të ushqimit në reparte

Shtuar më 10/01/2017, ora 23:47

Shkruani komentin tuaj!
Të fundit nga kjo kategori