Uragani “Matthew” i drejtohet Floridas (VIDEO)

Presidenti i Shteteve të Bashkuara, Barak Obama ka paralajmëruar qytetarët në Florida që të evakuohen pasi uragani Methju pritet të jetë shumë shkatërrues.

Kreu i Shtëpisë së Bardhë, pasi vizitoi godinën e mbrojtjes civile amerikane, është shprehur se uragani mund të ketë pasoja të rënda.

Uragani Methju, gjatë kalimit në disa ishuj të Amerikës Veroire me erëra deri në 230 kilometra në orë, ka shkaktuar të paktën 17 të vdekur.

Ndërsa 4 të tjerë kanë humbur jetën në Republikën Domenikane dhe 13 të tjerë në Haiti. Në këtë të fundit, UNICEF ka dhënë alarmin se 4 milionë fëmijë janë në rrezik për shkak të një tragjedie humanitare të mundshme.

Uragani tashmë është drejtuar për në qendrën verilindore të Bahamas, dhe gjatë pasdites të së enjtes do të prekë bregdetin juglindor të Floridas.

Autoritetet Amerikane kanë theksuar se Methju do të mbajë një trajektore të njëjtë deri në përfundim të së mërkurës, e më pas do të devijojë përmes Bahamas dhe të kalojë në Florida.

Guvernatori i këtij shteti Rik Skot ka shpallur gjendjen e emergjencës duke mobilizuar 200 roje kombëtare dhe duke u bërë apel popullsisë që të përgatiten për situatën më të keqe.

Në Majemi dhe në Tampa, supermarketet pothuajse janë boshatisur pasi banorët po përpiqen të krijojnë rezerva ushqimore.

Uragani më pas mund të kalojë në Xhorxhia dhe në Karolinën e Jugut deri në Nju Jork prandaj edhe në këto shtete është deklaruar gjendja e alarmit. /albeu.com/
Shtuar më 05/10/2016, ora 21:24
Shkruani komentin tuaj!
Të fundit nga kjo kategori