I fejuari grabiti kasafortat e të motrës, Samanta vrau veten pas vjedhjes, si ndodhi krimi që përfundoi në tragjedi

E fejura vrau veten pasi Kristian Fusha vodhi dy kasaforta në shtëpinë e motrës së saj.

Tashmë është zbardhur edhe dinamika e vjedhjes së kasafortave, e cila u kthye në tragjedi.

Prokuroria e Tiranës caktoi sot masën burg për 27-vjeçarin nga Malësia e Madhe, i cili pas vjedhjes u arratis bashkë me bashkëpunëtorin e tij në Mal të Zi, ndërsa kasafortat i la në Shkodër.

Kristiani dhe Samanta sapo ishin fejuar dhe se dy ditë para vjedhjes e motra e Samanatës kishte organizuar një darkë familjare ku kishte pritur edhe çiftin e ri.

Aty duket se ka nisur gjithçka, pasi atë natë Fusha ka arritur të sigurojë çelësat e shtëpisë se kunatës.

Dy ditë pas darkës Kristiani mori shokun e tij dhe shkoi për të vjedhur shtëpinë e kanatës, nga ku mori dy kasaforta në të cilat ndodheshin rreth 1 milionë lekë të vjetra.

Sipas kamerave të sigurisë shoku i Fushës kishte shkuar i maskuar, ndërsa vetë Fusha kishte shkuar me paterica.

Gjithashtu te kamerat e zonës ku jetonte motra e Samantës është fiksuar targat e makinës, që Fusha përdori atë natë. /abcnews.al