Trump zbulon letrën në të cilën Putin i kërkon “nivel të ri” bashkëpunimi
Presidenti rus, Vladimir Putin, në një letër dërguar gjatë këtij muaji presidentit të zgjedhur amerikan, Donald Trump, kërkon bashkëpunim bilateral dhe “nivel të ri” në marrëdhëniet SHBA – Rusi.

Lajmi i publikuar nga Reuters thotë se një kopje e letrës është publikuar nga ekipi i Trump, më 23 dhjetor.

“Shpresoj që… ne do të kemi mundësi – në mënyrë konstruktive dhe pragmatike – të ndërmarrim hapa të vërtetë drejtë përmirësimit të kornizës së bashkëpunimit bilateral në disa fusha si dhe ngritjen e bashkëpunimit në skenën ndërkombëtare në një nivel të ri kualitativ”, ka shkruar Putin në letrën e 15 dhjetorit, sipas ekipit të Trump.

Presidenti i zgjedhur amerikan, përmes një komunikate të publikuar krahas letrës në fjalë, ka thënë se ai shpreson që të dyja shtetet mund të “arrijnë këto qëndrime” se sa të detyrohen të “gjejnë rrugë alternative”.
Shtuar më 23/12/2016, ora 18:44

Shkruani komentin tuaj!
Të fundit nga kjo kategori