Raporti i Komisionit Europian, Varhelyi: Shqipëria ka bërë progres

Komisioneri për Zgjerimin, Oliver Varhelyi, ka komentuar raportin e Këshillit Europi për Shqipërinë, ku thotë se vendi ynë ka bërë progres me reformat.

“Është vend i dytë me të cilin hapëm negociatat këtë vit. Ka vijuar të bëjë progres dhe ka dhënë rezultate. Reforma në drejtësi dhe vetting që po vijon janë shembuj të një pune të mirë. Shqipëria ka luftuar krimin dhe korrupsionit.  Shqipëria ka mbajtur 100% linjën evropian për pushtimin rus të Ukrainës. E drejta e pronës, liria e medias, shteti i së drejtës janë çështje shumë të rëndësishme.  Ne kemi thënë këtë gjë edhe vitin e kaluar por këto sfida janë të rëndësishme për ne. Angazhimi politik dhe konsensusi i të gjithë aktorëve politik dhe një administratë e pavarur dhe profesionale janë të domosdoshme për të vijuar më tej”, tha ndër të tjera Varhelyi.