Trump nuk do bllokojë publikimin e dokumenteve për vrasjen e Kennedy-t
Presidenti amerikan, Donald Trump, është shprehur se nuk do ta bllokojë publikimin e mijëra dokumenteve qeveritare, që më parë ishin sekrete, të ndërlidhura me vrasjen e presidentit të dikurshëm, John F. Kennedy.

Lidhur me këtë çështje, zoti Trump dje në rrjetin Tëitter ka shkruar se “si president, do të lejoj që të hapen dosjet JFK, që për një kohë të gjatë ishin të bllokuara dhe sekrete”.

Arkivi Kombëtar i Shteteve të Bashkuara duhet që deri më 26 të këtij muaji t’i lirojë dosjet e mbetura lidhur ne vrasjen e presidentit, John F. Kennedy, në vitin 1963.

Në vitin 1992, Kongresi i Shteteve të Bashkuara pat urdhëruar që të gjitha dokumentet për këtë vrasje të lirohen pas 25 viteve.

Megjithatë, presidenti ka autoritet që ta bllokojë lirimin e dokumenteve në bazë të perceptimit se bërja publike e tyre mund t’i dëmtojë operacionet ushtarake ose të inteligjencës, agjencitë e zbatimit të ligjit ose raportet e jashtme, njofton REL.

Pritet që në këtë publikim do të jenë afro 3 mijë dokumente që kurrë nuk janë parë publikisht dhe më tepër se 30 mijë të tjera, që ishin liruar vetëm pjesërisht. /albeu.com/
Shtuar më 22/10/2017, ora 19:34
Shkruani komentin tuaj!
Të fundit nga kjo kategori