Princi Louis kishte një pyetje të ngutshme për Mbretëreshën dje teksa ata qëndronin në ballkonin e Pallatit Buckingham gjatë festimeve të saj të Jubileut Platinum. Kjo pyetje është zbuluar nga një lexues i buzëve.
Katër vjeçari vodhi vëmendjen teksa bëri një sërë fytyrash lozonjare dhe dukej jashtëzakonisht i emocionuar gjatë një fluturimi RAF që përfundoi me një shfaqje spektakolare nga Red Arroës.
Në një moment Louis mund të shihej duke shkëmbyer disa fjalë me stërgjyshen e tij ndërsa prisnin aeroplanët dhe helikopterët të fluturonin sipër.
Një ekspert i ka thënë Mirror-it se për çfarë dukej se dyshja po flisnin dhe duket se Louis ishte i etur të dinte një gjë.
Sipas Jeremy Freeman, Louis pyeti: “A po vijnë Shigjetat e Kuqe?” Për të cilën Mbretëresha u përgjigj shumë thatë: “Shpresoj që po”.
Kur shigjetat e kuqe u shfaqën dhe pikturuan qiellin të kuq, të bardhë dhe blu, ngazëllimi i Louis dukej se arriti kulmin pasi zoti Freeman thotë se i riu bërtiti: “Po po po”.
Ai gjithashtu shtoi se mbretëresha më pas tha: “Ja ku është” përpara se Louis të shtonte: “Oh Shigjeta të Kuqe, ahah”.
