Trump i bindur: Komplot republikan ndaj meje
Kandidati amerikan për Shtëpinë e Bardhë, Donald Trump, është i bindur se liderët e Partisë së tij Republikane nuk duan që ai të fitojë emërimin presidencial.

“Sistemi po funksionin kundër meje”, tha Trump, duke akuzuar Komitetin Kombëtar Republikan për konspiracion kundër tij, njofton TCH.

Duke e pyetur nëse republikanët duan që ai të fitojë garën presidenciale, Trump u përgjigj se nuk e besonte diçka të tillë pasi sipas tij, Komiteti nuk e ka në qejf. Ndonëse Trump udhëheq garën presidenciale, ai mund të gjendet në një situatë jo shumë të favorizueshme për të marrë emërimin e plotë.

Kjo do të sjell Konventën për ta kontestuar në korrik, ku delegatët janë të lirë pas raundit të parë të votimit të mbështesin cilin kandidatë të duan, duke hapur dyert për senatorin e Teksasit, Ted Cruz apo edhe kandidatin e tretë në garë John Kasich.

“Ka të ngjarë që Cruz të triumfojë në raundin e dytë brenda kampit republikan, pasi ai ka një numër të madh delegatësh që e mbështesin, shkruan “Ëashington Post”.

Ndaj për t’i paraprirë një skenari të tillë në fund të fushatës zgjedhore, këshilltari dhe njëkohësisht një aleat i mirë i Donald Trump, Roger Stone ka thënë që delegatët të nënshkruajnë vullnetarisht një zotim ku do të tregojnë mbështetjen e tyre për kandidatin që do të jetë i zgjedhur me votat e popullit, edhe nëse realizohet procesi i Konventës së kontestuar./Albeu.com/
Shtuar më 14/04/2016, ora 09:11

Shkruani komentin tuaj!
Të fundit nga kjo kategori