Trump flet për sulmet kibernetike ruse: Unë di gjëra që të tjerët nuk i dinë
Presidenti i zgjedhur amerikan, Donald Trump, ka bërë me dije se ka informacione të pazbuluara rreth sulmeve të dyshuara kibernetike ruse gjatë fushatës zgjedhore presidenciale në SHBA të cilat planifikon t’i tregojë gjatë javës së ardhshme.

Duke folur para gazetarëve teksa po shkonte të festonte Vitin e Ri në Florida, Trump është përgjigjur në një pyetje rreth këtyre sulmeve për të cilën ka thënë, “unë di gjëra që të tjerët nuk i dinë” dhe “ju do ti zbuloni ato të martën apo të mërkurën (më 3 apo 4 janar)”.

Ai gjithashtu ka thënë se beson që ndërhyrja në emailat e zyrtarëve të Partisë Demokratike tmund të jetë kryer nga “dikush tjetër” e jo Rusia. Ai ka thënë se ai di shumëçka rreth harkimit të kompjuterëve dhe se kjo “është një gjë që shumë vështirë verifikohet”.

Javën e kaluar, qeveria amerikane ka dëbuar 35 diplomatë rusë dhe ka vendosur sanksione ndaj zyrtarëve të sigurisë dhe agjencive të inteligjencës ruse si masë ndëshkuese ndaj sulmeve kibernetike. Agjencitë e inteligjencës amëerikane thonë se ata besojnë që Moska ka urdhëruar sulmet me qëllim që Trump të fitojë zgjedhjet.

I pyetur nëse ai do të takohet me presidenten e Tajvanit nëse ajo udhëton drejt Shteteve të Bashkuara, Trump nuk e hodhi poshtë këtë duke thënë: “Të shohim”.
SHBA-ja nuk e njeh Tajvanin, të cilën Kina e konsideron krahinë të saj.

Trump ka thënë se nën udhëheqjen e tij, Shtetet e Bashkuara do të kenë marrëdhënie të mrekullueshme me shumë shtete, përfshirë Rusinë dhe Kinën.

Ai gjithashtu ka thënë se Izraeli është “shumë, shumë i rëndësishëm për mua”./Albeu.com/
Shtuar më 01/01/2017, ora 11:00

Shkruani komentin tuaj!
Të fundit nga kjo kategori