Një i dyshuar për vrasjen e vëllait të mbrojtësit të Tottenham, Serge Aurier, Christopher, raportohet se është dorëzuar në policinë franceze.
Christopher Aurier, 26 vjeç, u plagos fatalisht në orët e para të mëngjesit të së hënës pasi u qëllua jashtë një klubi të natës në Toulouse dhe ai u konfirmua më vonë i vdekur në spital.
Vrasësi i tij fillimisht u largua nga vendi i ngjarjes dhe besohej se ishte në arrati, por, sipas të përditshmes franceze L’Equipe, një burrë u dorëzua në policinë e Tolouse të martën në mbrëmje, më pak se 48 orë më vonë pas vrasjes, transmeton lajmi.net.
Pretendohet se burri u dorëzua vetë në policinë lokale në orën 6 pasdite me kohën lokale të martën në mbrëmje dhe “rrëfeu se kishte vrarë viktimën”.
Banorët e zonës thirrën policinë pasi gjetën një burrë të shtrirë në tokë me një plagë me armë në stomak, jashtë klubit të natës Kin.
Pretendohet nga një tjetër e përditshme franceze, La Depeche, se motivi i ngjarjes mund të ketë qenë të ketë të bëjë me një “mosmarrëveshje dashurie”.