TOKIO 2020/ Mbappe i para-zgjedhur nga Franca për skuadrën olimpike

Ylli i PSG është përfshirë në listën paraprake të lojtarëve të përzgjedhur për skuadrën e Francës për të garuar në Lojërat Olimpike në Tokio 2020.

21-vjeçari ishte në mesin e 80 lojtarëve të emëruar për turneun në Japoni, me listën që do të shkurtohet përfundimisht në 50 para zgjedhjes së saj përfundimtare nga 18 deri 23 vjeç dhe katër lojtarë të moshës madhore do të zgjedhen më afër fillimit të korrikut – me ngjarjen që nis nga 22 korriku deri më 8 gusht.

Presidenti i Federatës Franceze të Futbollit, Noel Le Graet tha se Mbappe ishte përfshirë në përzgjedhje për shkak të talentit dhe aftësisë së tij, me sulmuesin e Parisit në gjendje të përfshihej si pjesë e kuotës së lojtarëve nën 23 vjeç.

“Ai është mjaft i moshuar për të shkuar në Olimpiadë”, tha Le Graet. “Si të gjithë të rinjtë e moshës së tij që kanë talent, ai është pra në listë”.

Mbappe ka qenë në formë të jashtëzakonshme për PSG këtë sezon, duke shënuar 27 gola dhe ndihmuar me 17 asistime në 31 paraqitje në të gjitha garat për klubin kryeqytetas francez.


Shtuar 3.03.2020 08:31