TENSIONET/ Hiqet flamuri hollandez në Konsullatën e Hollandës në Stamboll
Duket se tensionet mes Hollandës dhe Turqisë janë rritur së tepërmi pasi presidenti turk e cilësoi Hollandën si "mbetje naziste".

Këto fjalë erdhën pasi Hollanda ndaloi uljen e avionit të ministrit të Jashtëm të Turqisë, i cili kishte si qëllim të mbante një tubim me bashkëkombasit e tij për ndryshimet Kushtetuese të cilat i japin disa të drejta shtesë presidentit turk.

Por, nga ana tjetër, mediet kanë përcjellë së fundmi një foto ku shihet se në Konsullatën e Holandës në Stamboll është hequr flamuri holandez dhe është vendosur ai turk.

Ndërkohë, mediat turke raportojnë se vazhdojnë protestat para Konsullatës holandeze, ndërsa policia e ka rrethuar ndërtesën.

Së fundmi, Hollanda ia ndaloi ministres turke për Çështje Familjare hyrjen në Konsullatën turke në Roterdam, e cila pritej që të mbante një fjalim fushate për referendumin e 16 prillit. /albeu.com/
Shtuar më 12/03/2017, ora 12:15

Shkruani komentin tuaj!
Të fundit nga kjo kategori