Tel Aviv: Mijëra izraelitë mbështesin krijimin e shtetit palestinez
Mijëra izraelitë kanë tubuar mbrëmë në Tel Aviv në mbështetje të krijimit të shtetit palestinez.

Pjesëmarrësit kanë mbajtur në duar mbishkrimin "Dy shtete, një shpresë".

Avi Buskilia, udhëheqës i organizatës joqeveritare izraelite, "Paqe Tani", tha se pjesëmarrësit e marshimit po protestonin kundër "mungesës së ofrimit të shpresës nga qeveria, e cila kryen okupim, dhunë dhe racizëm".

Isaac Herzog, lider i Partisë Laburiste në opozitë në Izrael, ka marrë gjithashtu pjesë në këtë tubim.

Kutojmë se rreth 50 vite më parë Izraeli ka pushtuar Bregun Perëndimor dhe Jerusalemin Lindor nga Jordania gjatë luftës gjashtëditëshe me shtetet fqinje arabe.

Në mesazhin dërguar protstuesve, presidenti i Autoritetit Palesatinez, Mahmud Abbas, tha se "është koha për të jetuar së bashku në harmoni, siguri dhe stabilitet", shkruan "Rel". /albeu.com/
Shtuar më 28/05/2017, ora 16:56

Shkruani komentin tuaj!
Të fundit nga kjo kategori