61 persona që kanë mbërritur në Amsterdam kanë rezultuar pozitivë me Covid-19. Udhëtarët kishin ardhur nga Afrika e Jugut raporton BBC, dhe janë vendosur në izolim në një hotel pranë aeroportit Schiphol.
61 personat që rezultuan pozitivë ishin në mesin e 600 pasagjerëve të mbajtur për disa orë pas mbërritjes, ndërsa ata u testuan për virusin.
Autoritetet holandeze po kryejnë testime të mëtejshme për të parë nëse ka ndonjë rast të Omicron, i cilësuar si varianti i ri më shqetësues nga OBSH.
Varianti u raportua për herë të parë në Organizatën Botërore të Shëndetësisë në Afrikën e Jugut më 24 nëntor.
Lexo po ashtu
Në orët e fundit shumë vende në mbarë botën kanë kufizuar udhëtimet nga rajoni i Afrikës Jugore.
Ndërkohë Holanda është një nga disa vende evropiane që ka pasur një rritje shumë të madhe të rasteve të reja.
Një bllokim i pjesshëm do të zgjatet të dielën, me të gjitha ambientet e mikpritjes dhe kulturore të detyruara të mbyllen midis orës 17:00 dhe 05:00, të paktën deri më 19 dhjetor./albeu.com
