Të burgosurit shqiptarë zihen me algjerianët, përdoren thikat dhe vaji i nxehtë
Një sherr i madh ka plasur mes të burgosurëve shqiptarë dhe atyre algjernainë në burgun e Greqisë. Mësohet se nisi pasi një shqiptar u plagos me thikë nga një afrikan.

Gazeta greke “Ethnos” bën me dije se dhuna shpërtheu midis shqiptarëve në katin e parë të burgut dhe algjerianëve në katin e dytë.

Gazeta tjetër greke “Tanea” shkruan se algjerianët kanë hedhur vaj të nxehtë mbi shqiptarët dhe këta u janë kundërpërgjigjur me gurë.

Madje, të burgosurit kanë marrë peng për rreth një orë një oficer të burgut. Gazeta shkruan se shkak i sherrit masiv u bë plagosja me thikë në pjesën e këmbës të një shqiptari nga algjerianët.

Drejtuesit e institucionit të vuajtjes së dënimit kanë negociuar për të bindur të burgosurit për t’u kthyer në qelitë e tyre.

Nisja e tensionit

Gazeta greke shkruan se gjithçka filloi të enjten e kaluar, kur nisi sherri midis shqiptarëve dhe afrikano-veriorëve, duke hedhur pllaka, gurë dhe sende të forta midis tyre. Të nesërmen, një algjerian goditi me thikë një shqiptar në pjesën e këmbës. Viktima ishte përdorues droge.

Zyrtarët e burgut theksojnë për “Ethnos” se situata në burgje është shumë e rrezikshme dhe ata kanë frikë për jetën e tyre.

Çfarë thotë Ministria e Drejtësisë

Sipas Ministrisë së Drejtësisë greke, aktualisht situata është vënë nën kontroll në burgun Avlona.

Gjatë përplasjes me sende të forta sipas Ministrisë, nuk pati asnjë të dëmtuar, ndërsa mohohet që drejtorit të burgut t[[ jetë kërcënuar me thikë në qafë.
Shtuar më 09/04/2019, ora 23:57
Shkruani komentin tuaj!
Të fundit nga kjo kategori