Tanket gjermane “Leopard 2" rikthehen në kufijtë e Rusisë
Gjermania konfirmoi se do të dërgojë në Lituani, si pjesë e planit të NATO-s për të përforcuar mbrojtjen e vendeve anëtare Balltike, tanket e saj të famshëm Leopard 2.

Sipas planit të fundit mbrojtës të Aleancës, mbrojtja e Lituanisë është përgjegjësi e Gjermanisë dhe të mërkurën, Ministria e Mbrojtjes gjermane tregoi sesa seriozisht e ka marrë këtë përgjegjësi.

Ministria konfirmoi për agjencia e lajmeve DPA se do të dërgojë vitin tjetër tanket e saj, por pa përcaktuar qartë numrin e tyre.

Bashkë me tanket do të vendosen edhe një trupë prej 650 ushtarësh, të cilët janë pjesë e planit të NATO-s për stacionimin e përhershëm të një trupe në këtë vend.

Kjo lëvizje e Gjermanisë është interpretuar në mediat ruse si “rikthim edhe njëherë tjetër i panzerave gjermanë në kufijtë e Rusisë”, që nuk ndodhte që nga Lufta e Dytë Botërore.

Veç Gjermanisë, në përforcimin e aftësisë mbrojtëse të vendeve anëtare të NATO-s në Balltik do të angazhohen trupa edhe nga Britania e Madhe, Franca, Belgjika e vende të tjera të Aleancës. /albeu.com/
Shtuar më 03/11/2016, ora 18:41
Shkruani komentin tuaj!
Të fundit nga kjo kategori