Sulmi në Siri i pamoralshëm e i turpshëm
Sulmi i javës së kaluar në Damask, në të cilin supozohet se janë përdorur armë kimike është i pamoralshëm dhe i turpshëm. Kështu e ka quajtur sekretari amerikan i shtetit Xhon Keri, duke shtuar se inspektorët e OKB-së po mbledhin prova për të kuptuar më qartë situatën.

"Kushdo që mendon se një sulm i tillë mund të mbahet i fshehur apo mund t'i faturohet dikujt tjetër, gabon.

Në kohën që inspektorët e OKB-së po mbledhin prova në terren, ajo që kemi kuptuar ne, bazuar në fakte dhe prova të pakundërshtueshme, të gjitha të dhënat e siguruara në terren në mënyrë operative dhe nga organizata humanitare si 'Mjekët pa Kufij' dhe organizata siriane të të drejtave të njeriut, na bëjnë akoma më të qartë se në Siri janë përdorur armë kimike.

Ajo që dimë ne është se këto armë janë nën kujdesin e regjimit sirian. Dimë që regjimi ka kapacitetin të lëshojë këto armë me raketa, ne dimë që regjimi është i vendosur që të pastrojë opozitën në ato zona ku ndodhën sulmet", u shpreh Keri. /albeu.com/
Shtuar më 27/08/2013, ora 12:20
Shkruani komentin tuaj!
Të fundit nga kjo kategori