Suedi, në zgjedhjet parlamentare kandidon edhe një kosovar
Suedezët votojnë sot për një parlament të ri. Të drejtën e votës e kanë rreth shtatë milionë qytetarë, të cilët do të zgjedhin 349 deputetë sa ka parlamenti i këtij vendi.

Në këto zgjedhje kandidon edhe një shqiptar nga Kosova. Avni Dervishi, kandidon në radhët e Partisë së Popullit Liberal. Dervishi ka emigruar nga Kosova për në Suedi në vitin 1992 dhe prej atëherë është angazhuar në komitetin shqiptaro-suedez. Dervishi shpreson se në rast se zgjidhet do të kontribuojë për shqiptarët jo vetëm në Suedi, por edhe në Evropë.

Ndërkohë pas sondazheve të fundit, kryeministri Fredrik Reinfeldt sërish do të fitojë shumicën me koalicionin e tij të përbërë nga kristiandemokratët, liberalët dhe Partia e Qendrës. Opozita e përbërë nga të kuqtë dhe ekologjistët, e udhëhequr nga Partia Socialdemokrate është mbrapa, por dallimi është i vogël. Me interesim të madh pritet nëse në parlament do të futen ekstremistët e djathtë.
Shtuar më 19/09/2010, ora 09:30
Shkruani komentin tuaj!
Të fundit nga kjo kategori