Sot përballja e fundit Trump-Biden
Sot do të mbahet përballja e fundit në sallën e Belmont University në Tenessy, mes dy rivalëve për presidencialet e 3 Nëntorit.

Analistët janë të mendimit se ky debat është shansi i fundit për Donald Trump-in për t’i dhënë një shtytje popullaritetit para zgjedhjeve, teksa ka një diferencë prej rreth 9% në sondazhe ndaj Joe Biden-it.

Sondazhet tregojnë se kandidati demokrat do të sigurojë 9 delegatë më shumë në kolegj se votat e nevojshme për t’u zgjedhur president. Për të shmangur kaosin e debatit të parë, pasi i dyti nuk u zhvillua për shkak të refuzimit të Trump-it për t’a bërë virtualisht, organizatorët kanë vendosur rregulla të rrepta deri në mbylljen e mikrofonit për kandidatin që nuk ka radhën për të folur.

Secili ka 15 minuta kohë për të diskutuar për çështjet e parashikuara. Trump ka kritikuar organizatorët se nuk i kanë dhënë rëndësi politikës së jashtme që ai i rendit ndër avantazhet kryesore ndaj rivalit. Megjithatë, stafi republikan mirëpriti me vlerësime përcaktimin si drejtuese të moderatores së NBC-së Kristen Ëelker, edhe pse Donald Trump-i nuk i ka kursyer kritikat për të gjatë konferencave në Shtëpinë e Bardhë.
Shtuar më 22/10/2020, ora 16:42

Shkruani komentin tuaj!
Të fundit nga kjo kategori