Sot gjykohen 11 te akuzuarit per diegien e xhamise se Nishit ne 17 mars
Albeu.com
Te akuzuarit per djegien e xhamise ne Nish do te gjykohen sot ne Gjykaten komunale te qytetit te Nishit kurse prinderit e te akuzuarve kane njoftuar per nje proteste para gjykates."Vellezer e motra, te gjithe qe ndiheni serb, ejani te premten, me 22 korrik ora 9,30 para nderteses se Gjykates komunale ne Nish qe me ane te proteste t'i mbrojme femijet e pafajshem per djegien e xhamise" thuhet ne ftesen qe eshte nenshkruar me prinderit e ngjitur ne disa vende ne pjesen qendrore te qytetit. Gjykimi i grupit prej 11 te rinjeve eshte shtyre gjashte here deri tani, kurse per here te fundit ne fillim te muajit avokatet e mbrojtjes kane kerkuar perjashtimin e gjyqesise se Nishit dhe qe ceshtja te dorezohet ne Gjykaten e Larte te Serbise. Te gjashte seancat jane shtryre per shkak te mungeses se disa te akuzuarve dhe te mbrojtesve te tyre. Vetem ne shqyrtimin e fundit kryesor, gjykata e ka marre vendimin, me kerkese te prokurorise, qe dy te akuzuarit te gjykohen ne mungese prandaj gjyqi do te vazhdoje pa pranine dy te akuzuarve, Millan Stanishic dhe Aleksandar Kerstic. Grupi prej 11 personash i cili e ka djegur xhamine pas dhunes ne Kosove, me 17 mars te vitit te shkuar, eshte akuzuar per veper penale te pjesemarrjes ne grupin i cili ushtroi dhune, veper qe u rrezikon te rinjve denimin me deri 5 vjet burg. Demi ne xhami eshte vleresuar ne rreth 5 milion dinare (600.000 euro). Imami i xhamise, Mustafa Jusufspahic ka vleresuar me pare se eshte turp qe fajtoret jo vetem qe nuk jane denuar ende por edhe qe gjykimi praktitikisht nuk ka filluar. BW
Shtuar më 22/07/2005, ora 16:44
Tage: arkiv

Shkruani komentin tuaj!
Të fundit nga kjo kategori