Sondazhet: Prodi fiton zgjedhjet në Itali
Pëlqej
Albeu.com
Në orën 15 të ditës së sotme janë mbyllur qendrat e votimit, të zgjedhjeve 2 ditore parlamentare në Itali. Sondazhet e para, pas mbylljes së kutive, favorizojnë bllokun opozitar të drejtuar nga Romano Prodi.Sipas sondazhit të institutit Neksus, koalicioni i qendrës së majtë të Prodit, ka marrë 50 deri në 54 përqind të votave për të gjitha dhomat e parlamentit italian. Ndërkohë, koalicioni i djathtë i Silvio Berluskonit, mendohet se ka marrë rreth 45 deri në 49 përqind të votave. Ky sondazh u transmetua menjëherë në rrjetin televiziv italian RAI. Ndërkohë një tjetër sondazh, i dha Prodit rreth 52 përqind të votave që do të thotë se ai mund të ketë fituar 340 vende në senatin me 630 anëtarë. Sipas sondazheve, koalicioni i djathtë deri tani në qeverisje, ka patur një humbje të konsiderueshme të elektoratit. Ndërkohë pritet që rezultatet zyrëtare, të jepen sonte në mbrëmje vonë. Gazeta Start
Shtuar më 10/04/2006, ora 17:32
Tage: arkiv
Shkruani komentin tuaj!
Të fundit nga kjo kategori