Skoci/ 523 fëmijë viktima të abuzimit online
PoliciaSkoci ka arrestuar 77 persona pasi më shumë se 500 fëmijë u identifikuan si viktima të mundshme të abuzimit seksual online.

Autoritetet kanë deklaruar se rreth 30 milionë foto me përmbajtje shqetësuese janë zbuluar gjatë kryerjes së operacionit me emrin “Lattise”.

Më i riu në 523 fëmijët ishte vetëm 3 vjeç.

Sipas policisë viktimat janë lokalizuar pas sekuestrimit të 547 kompjuterave si dhe pas kontrollimit të imtësishëm të 83 shtëpive të të dyshuarve.

Një nga kompjuterat e gjetur nga policia, raportohet të kishte rreth 10 milionë foto të fëmijëve të abuzuar dhe për t’i kontrolluar të gjitha, oficerëve do t’u duhet gjashtë muaj kohë.

Personat e arrestuar akuzohen për përdhunim, shpërndarje të fotove shqetësuese të miturve, ngacmim për qëllime seksuale si dhe përdorim dhe shpërndarje droge. /albeu.com/
Shtuar më 29/07/2016, ora 18:54

Shkruani komentin tuaj!
Të fundit nga kjo kategori