Në një përpjekje për të rifituar besimin e publikut, presidenti francez, François Hollande ka vendosur që ministrat e qeverisë, të zbulojnë hollësi rreth pasurisë së tyre.

Sot është afati i vendosur dhe zyrtarëve të lartë, do t'u duhet të deklarojnë asetet që kanë. Lëvizja e Hollande pasoi skandalin e ministrit të Buxhetit, Jerome Cahuzac, i cili akuzohet për mashtrim me taksat, për një llogari të fshehtë bankare.

Skandali në fjalë i uli shumë pikë zotit Hollade. Ndaj, sot 37 ministrave u kërkohet të tregojnë të gjitha paratë që kanë. Këtu përfshihen llogaritë bankare, pronat dhe objekte të tjera të shtrenjta si makina, vepra arti etj. /albeu.com/