Siri, dezerton kryeministri Hijab
Televizioni shtetëror i Sirisë tha se është shkarkuar Kryeministri i vendit, pas raporteve se Rijad Hijab ka dezertuar në Jordani. Burime jozyrtare jordaneze kanë konfirmuar se Hixhab ka ikur bashkë me familjen e tij. Hijab, ish-Ministër i Bujqësisë, është emëruar Kryeministër më 23 qershor.

Ai konsiderohet një nga dezertuesit e nivelit më të lartë deri tani.Ndërkohë, një bombë ka goditur katin e tretë të ndërtesës së televizionit shtetëror në Damask duke shkatërruar disa zyra dhe plagosur të paktën tre punonjës, ka bërë me dije vetë televizioni shtetëror.

Shpërthimi është i fundit në Damask, në atë që duket të jetë një valë e sulmeve vetëvrasëse dhe shpërthimeve tjera në muajt e fundit derisa lufta civile në vend ka eskaluar dhe kryengritësit janë forcuar në taktikat e tyre. /albeu.com/
Shtuar më 06/08/2012, ora 13:00

Shkruani komentin tuaj!
Të fundit nga kjo kategori