Shqiptari më i urryer në botë, Martin Shkreli, është përjashtuar përkohësisht nga shërbimet e rrjetit social "Twitter" dhe "Periscope" pas komenteve të pahijshme drejtuar gazetares Lauren Duca, e cila është redaktore e të përjavshmes "Teen Vouge".

Gazetarja e raportoi Shkrelin me anë të një postimi në Twitter te CEO i rrjetit social duke shkruar "Si mund të lejohet kjo gjë?".

Në postimin e saj ajo kishte përfshirë edhe foto të ekranit të llogarisë të Shkrelit në "Twitter".

Në foton ishte gazetarja së bashku me bashkëshortin e saj, foto që shqiptari e kishte manipuluar duke vendosur fytyrën e tij në të.

Gjithashtu në përshkimin e tij në llogarinë e "Twitter", Shkreli kishte shkruar se ndiente diçka për gazetaren, por shpresonte që gazetarja mos të zbulonte këtë gjë.

Kjo ka bërë që gazetarja të ankohet në "Twitter" për ngacmim, dhe më pas rrjeti social i ka bllokuar përkohësisht llogarinë e Shkrelit. /albeu.com/