Një pilot kanadez është arrestuar nga autoritetet për shkak se ka tentuar të drejtojë avionin "boing 737" të kompanisë "Sunwing Airlines" në gjendje të dehur.

Fatmirësisht piloti është arrestuar në qytetin kanadez Calgary, para se të merrte drejtimin e avionit, pasi udhëtarët kanë parë një gjendje të ccuditshme të tij para se të ulej në vendin e tij.


Mediat kanadeze kanë publikuar se ekuipazhi kishte vërejtur që piloti të sillej çuditshëm dhe se në një moment edhe e kishte humbur vetëdijen.

Piloti u arrestua menjëherë pasi analiza tregoi se piloti kishte konsumuar tre herë më shumë se sa normat e lejuara.

Në avion gjendeshin më shumë se 100 udhëtarë, por fatmirësisht autoritetet reaguan në kohë, duke parandaluar një tragjedi ajrore. /albeu.com/