Organizata Ndërkombëtare për të Drejtat e Njeriut “Human Rights Watch” (HRW) njoftoi se nga 25 gushti, pjesërisht apo plotësisht janë shkaktërruar të paktën 354 fshatra muslimane në rajonin Rakhine (Arakan) të Mianmarit, transmeton Albeu.com.

Muslimanët Rohingya të Arakanit me vitet të tëra janë pakica etnike më e rrezikuar në botë, kurse nga 25 gushti ballafaqohen me një valë të re të dhunës të cilën e ushtron ushtria e Mianmarit dhe militantët budistë.

Në raportin e HRW-së thuhet se gjatë tetorit dhe nëntorit në Arakan janë shkatërruar të paktën 40 fshatra, me çka numri i përgjithshëm i fshatrave të shkatërruara nga fundi i gushtit ka shkuar në 354.

Sipas HRW-së në Bangladesh deri më tani kanë ikur të paktën 655 mijë muslimanë nga Arakani i Mianmarit.

Në raport thuhet se ushtria e Mianmarit dhe militantët budistë vrasin muslimanët, përdhunojnë dhe abuzojnë me gratë, djegin dhe shkatërrojnë shtëpitë e tyre. /albeu.com/