Një ngjarje e rëndë është regjistruar sot në Divjakë. Një 60-vjeçar, i identifikuar si Llambri Marku, ka humbur jetën në një nga dhomat e hotelit të tij, pas rënies së zjarrtit. 60-vjeçari është asfiksuar dhe ka mbetur i bllokuar brenda duke pësuar djegie dhe më pas ka humbur jetën. Kanë nisur hetimet për zbardhjen e rrethanave të ngjarjes.
Njoftimi i policisë:
Divjakë/Informacion paraprak
Rreth orës 10:30, në Divjakë, është gjetur i pajetë shtetasi Ll. M., 60 vjeç, në një nga dhomat e hotelit në pronësi të tij.
Nga veprimet paraprake dyshohet se gjatë natës aksidentalisht është shkaktuar zjarr në dhomën ku qëndronte 60-vjeçari, i cili për pasojë është asfiksuar dhe më pas është djegur.
Grupi hetimor, nën drejtimin e Prokurorisë Lushnjë, po punon për zbardhjen e rrethanave të ngjarjes.
