Të paktën 105 civilë kanë humbur jetën si pasojë e një sulmi ajror të Shteteve të Bashkuara në qytetin verior irakian, Mosul, në muajin mars të këtij viti.

Cak i bombës së hedhur më 17 mars ishin dy snajperë të grupit ekstremist, Shteti Islamik, tha mbrëmë hetuesi udhëheqës, gjeneral Matthew Isler, duke shtuar se në katet e poshtme të ndërtesës ishin vendosur civilë, të cilët kishin humbur jetën gjatë shkatërrimit të ndërtesës.

Shtetet e Bashkuara më herët patën pranuar se kishin rol në këto vrasje, por se kjo ishte e paqëllimshme, përcjell "Rel".