SHBA largon familjarët e personelit nga 3 zona të Turqisë
Shtetet e Bashkuara të Amerikës urdhëruan familjet e personelit të mbrojtjes dhe diplomatëve që të largohen nga jugu i Turqisë, për shkak të shqetësimeve për sigurinë.

Familjet e personelit kanë nisur tashmë që të largohen nga provincat e Adanas, Izmirit dhe Muglës.

Komanda amerikane në Europë tha se, vendimi nuk ishte i përhershëm, por qëllimi është ulja e rrezikut ndaj personelit amerikan, përfshirë familjarët e tyre.

Turqia është zhytur në një periudhë tensioni dhe dhune. Qytetet e saj kryesore janë goditur nga shumë sulme terroriste. Ajo po lufton kundër militantëve kurdë në lindje, ndërsa përpiqet që të mos lejojë përhapjen e dhunës nga kufiri me Sirinë.

Ndërkohë, raportet mes SHBA-ve dhe Turqisë janë në pikën më të ulët prej vitesh dhe një frikë e fortë fërkimi është reagimi i Uashingtonit dhe Ankarasë ndaj krizës në Siri.

Disa javë më parë, komanda amerikane në Europë i kërkoi familjeve të personelit që të largoheshin vullnetarisht nga zonat problematik në jug të Turqisë, por thuasje askush nuk e bëri këtë.

Tashmë urdhri nuk mund të shmanget dhe sipas ekspertëve kjo thekson problemet në Turqi, përdërisa SHBA-të e cila ka 5 mijë ushtarë vetëm në bazën e provincës Adana, ndihet se njerëzit e saj janë të kërcënuar. /albeu.com/
Shtuar më 30/03/2016, ora 09:49
Shkruani komentin tuaj!
Të fundit nga kjo kategori