SHBA kunder planit te Google per librat
Albeu.com
Departamenti amerikan i Drejtësisë njoftoi se nuk është i kënaqur me marrëveshjen, e cila do t’i lejonte gjigantit të kërkimeve Google të ndërtojë një bibliotekë të madhe digjitale.
Ai tha se plani kishte dështuar të adresonte shqetësimet e monopolit dhe të drejtave të autorit.

Google ishte detyruar të ndryshonte detajet e planit në vitin 2009, pas kundërshtimit nga Departamenti i Drejtësisë (DOJ).
“Marrëveshja e ndryshuar jep zgjidhje të rëndësishme dhe ndoshta avantazhe anti-konkurruese të Gogole si një njësi e vetme”, njoftoi DOJ.

DOJ njoftoi se marrëveshja do të lejojë që Google të jetë “konkurrenti i vetëm në tregun digjital me të drejtat për të distribuuar dhe për të shfrytëzuar një rrjet të gjerë të punimeve në formate të shumta”.

Në vitin 2008, Google u pajtua të paguajë 125 milionë dollarë për krijimin e Librit për Regjistrimin e të Drejtave të autorit, ku autorët dhe botuesit mund të regjistronin veprat e tyre dhe të merrnin kompensim për librat e skanuara.
Shtuar më 07/02/2010, ora 19:08
Tage: arkiv
Shkruani komentin tuaj!
Të fundit nga kjo kategori