SHBA / Hillari Klinton do kundërshtojë zgjedhjet në 3 shtete
Pas zgjedhjeve presidenciale në SHBA ku fitues rezultoi republikani Donald Trump përballë demokratës Hillari Klinton, mësohet se kjo e fundit mund të kërkojë rinumërimin e votave në tre shtete të fituara nga Donald Trump.

Një grup shkencëtarësh kompjuterikë dhe ekspertësh ligjorë të çështjeve zgjedhore janë duke i kërkuar demokrates Klinton që të kërkojë rinumërim të votave, pasi besojnë se kanë gjetur prova se në Uisconsi, Miçigan dhe Pensilvania zgjedhjet mund të jenë manipuluar.

Ata kanë dhënë detaje mbi pretendimet dhe se sipas tyre në Uisconsi, Clinton mori 7% më pak vota nga votimi elektronik sesa nga makineritë që përdorin skanimin e syve apo votat e hedhura në kuti, ose 30 mijë vota më pak.

Por që në këtë shtet ajo humbi me 27 mijë vota.

Nuk ka ende një përgjigje nga demokratja Hillari Klinton lidhur me detajet dhe pretendimet e ekspertëve. /albeu.com/

Shtuar më 23/11/2016, ora 08:34

Shkruani komentin tuaj!
Të fundit nga kjo kategori