Serbi, fleteparaqitje kunder 11 ministrave
Albeu.com
Institucioni i revizorit shtetëror në Serbi ka njoftuar sot se mbi bazëç të revizionit të llogarisë përfundimtare të buxhetit për vitin 2008, ka bërë 10 fletëparaqitje për kundërvajtje, në mesin e të cilave 11 janë kundër ish-ministrave dhe ministrave aktualë.
Fletëparaqitje penale janë bërë kundër ministrave Slobodan Milosavljeviq, Zharko Obradoviq, Tomica Milosavljeviq, Nebojsha Bradiq, Oliver Duliq e Goran Bogdanoviq, si dhe ish ministrave Predrag Buballo, Slobodan Samarxhiq, Zoran Lonçar, Vojislav Brajoviq dhe Sasha Dragin. Bie në sy se fletëparaqitje janë bërë kundër dy ministrave që “kujdesen” për Kosovën, Goran Bogdanoviq dhe ish-ministrit Slobodan Samarxhiq.
Për Goran Bogdanoviqin dyshohet se ka bërë pagesa sipas kontratave mbi veprën pa dëshmi se puna është kryer, por edhe për lejimin e pagesave të shërbimeve hoteliere mbi bazë të dokumentacionit, nga i cili nuk ka mundur të konstatohet se janë krijuar shpenzime të tilla.
Fletëparaqitje me arsyetime të njëjta është bërë edhe kundër ish-ministrit për Kosovën, Slobodan Samarxhiq, i cili i përket partisë së Vojislav Koshtunicës dhe ka qenë anëtar i ekipit negociator serb për statusin e Kosovës.
“Institucioni revizor i shtetit krahas kërkesave për nisjen e procedurës, ka paraqitur edhe dëshmi përkatëse, kurse gjykata, si organ i pavarur, do të vendosë lidhur me ekzistimin e mosekzistimin e kundërvajtjes dhe përgjegjësisë”, thuhet në komunikatën e këtij institucioni.
Shtuar më 19/02/2010, ora 01:43
Tage: arkiv
Shkruani komentin tuaj!
Të fundit nga kjo kategori