Federata Ruse e Futbollit do të apelojë në CAS vendimin e FIFA-s dhe UEFA-s për përjashtimin e kombëtareve të Rusisë nga garat ndërkombëtare.
Në njoftimin e bërë, thuhet se padia do të jetë e përbashkët kundër FIFA e UEFA dhe do tentohet rikthimi i të gjitha kombëtareve në gara. Veç kësaj thuhet se do të kërkohet edhe kompensim për dëmin.
Federata Ruse e Futbollit do të ngulmojë në një procedurë të përshpejtuar për shqyrtimin e çështjes.
Nëse kjo refuzohet nga UEFA E FIFA, atëherë do kërkohet që vendimet e FIFA dhe UEFA të pezullohen deri në marrjen e vendimit përfundimtar nga CAS.
Federata Ruse e futbollit është e bindur se FIFA dhe UEFA nuk kanë një bazë ligjore për vendimin e marrë, madje theksojnë se kanë shkelur të drejtën e tyre si anëtarë për të marrë pjesë në garat që organizojnë UEFA E FIFA.
Mes të tjerash theksohet se vendimi për pezullimin nga kualifikueset e Katar 2022 është marrë nën presionin e rivalëve të drejtpërdrejtë në play-off. /h.ll/albeu.com
